BQO-da shybyn-shirkeı mal-janǵa maza taptyrmaı tur
ORAL. QazAqparat - Bıyl Oral qalasy aýmaǵynda dernásilder men masalarǵa qarsy óńdeý sharalaryna respýblıkalyq bıýdjetten 49 mln. jýyq teńge bólindi.
Bul týraly búgin Ortalyq kommýnıkatsııalar qyzmeti óńirlik fılıalynda málim etildi, dep habarlaıdy «QazAqparat» tilshisi.
Oblystyq energetıka jáne turǵyn úı-kommýnaldyq sharýashylyǵy basqarmasynyń bólim basshysy Serikqalı Qanapınniń aıtýynsha, memlekettik satyp alýlar nátıjesinde atalǵan qyzmetti «Dezınfektsııa» jeke medıtsına mekemesi atqarýda.
«Dezınfektsııa» oblystyq medıtsına mekemesiniń dırektory Murat Tankeevtiń sózine qaraǵanda, óńdeý jumystarynyń birinshi kezeńi bıylǵy 16 sáýirden bastap Oral qalasy aýmaǵy men Serebrıakov, Krýgloozernyı, Komıntern, Jelaev aýyldarynda júrgizilip, 600 gektar jer qamtyldy. ıAǵnı 9 mln. jýyq teńgeniń jumystary atqaryldy. Mamyr aıynyń bas kezinen beri jumystyń ekinshi kezeńinde kózdelgen 6 myń gektar jerdiń 5 myńnan astamy óńdeldi. Buǵan 40 mln. teńge jumsaý kózdelýde.
M.Tankeevtiń pikirinshe, masanyń kóbeıýine bıylǵy ylǵaldyń moldyǵy áser etýde. Jaýyn-shashyn hımııalyq óńdeýdi de tez joıyp jiberedi. Taǵy bir aıtatyn jaıt, saıajaı aýmaqtaryna kirýdiń qıyndyǵy. Oral qalasy tóńiregindegi «ıAık» pen «Komarovo» saıajaı qaýymdastyqtary ǵana óz aýmaqtaryna baratyn joldy rettegen, qalǵandaryna arnaıy qurylǵymen masa uıalaǵan jerlerge jetý múmkin emes.
Aıta keteıik, bıyl Oralda masa azaımaı tur. Ásirese, keshki mezgilde úlken-kishiniń syrtta júrýi múldem qıyn. Al Jańaqala sekildi ońtústik aýdandarda bytyqananyń (shirkeı) kóptiginen ıt-taýyqtar ólýde.
