BQO-da shetelde tirkelgen 72 kólik ıesi aıyppuldan jaltarǵan
ORAL. QazAqparat - Batys Qazaqstan oblysynda tólenbegen aıyppuldary bar shetelde tirkelgen 72 kólik ustaldy. Avtomashınalar «Avtoýragan» kesheniniń kómegimen anyqtalǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, anyqtalǵan kólikter júrgizýshileriniń moınynda 651,801 myń teńge aıyppul bar bolyp shyqty. Búginde olar tolyq kólemde óndirildi.
«Polıtsııa departamenti 26 qazan kúni «Avtoýragan» apparattyq-baǵdarlamalyq keshenin jańǵyrtý jumystaryn júrgizdi. Bul ıeleri jol-kólik erejesin buzǵan nemese ákimshilik aıyppuldy tólemeı júrgen, Qazaqstanda ǵana emes, sondaı-aq shet memleketterde tirkelgen avtokólikterdi de anyqtaýǵa múmkindik beredi. Az ýaqyttyń ishinde shetelde tirkelgen osynshama kólik ustalyp, aıyppuldar óndirildi», - dedi QazAqparat tilshisine BQO Polıtsııa departamenti ákimshilik polıtsııa basqarmasy ákimshilik praktıka bólimshesi bastyǵynyń mindetin atqarýshy, polıtsııa kapıtany Oljas Ibraıymov.
Aıta keteıik, jyl basynan beri «Avtoýragannyń» kómegimen ıeleri 32 mln 411, 950 myń teńge qaryz bolǵan 615 kólik anyqtaldy.
