BQO-da sheneýnik tártiptik jazasy bola tura, ózine 800 myń teńgedeı syıaqy taǵaıyndaǵan

ASTANA. KAZINFORM – Batys Qazaqstan oblysy Jánibek aýdanynyń prokýratýrasy bıýdjet zańnamasynyń saqtalýyn taldaý barysynda aýdandyq sáýlet, qala qurylysy jáne qurylys bóliminiń basshysy qyzmettik ókilettigin asyra paıdalanǵanyn anyqtady.

Belgili bolǵandaı, ol qoldanystaǵy tártiptik jazasy bola tura, ózine zańsyz túrde 766 510 teńge kóleminde syıaqy taǵaıyndaǵan.

- Atalǵan derek boıynsha aýdan prokýratýrasy 2025 jyldyń 17 naýryzynda Batys Qazaqstan oblysy boıynsha memlekettik qyzmet isteri agenttigi departamentiniń tártiptik keńesine qadaǵalaý aktisin engizdi.

Usynysty qaraý nátıjeleri boıynsha, tártiptik keńestik usynymyna sáıkes, Jánibek aýdany ákiminiń ókimimen sáýlet, qala qurylysy jáne qurylys bóliminiń basshysy memlekettik qyzmettiń bedelin túsiretin tártiptik teris qylyq jasaǵany úshin memlekettik laýazymynan bosatyldy, - dep jazylǵan Bas prokýratýranyń habarlamasynda. 

Derekke qaraǵanda, «Qazaqstan Respýblıkasynyń memlekettik qyzmeti týraly» Zańynyń 44-
babynyń 3-tarmaǵyna sáıkes, memleketke keltirilgen zalal tolyq kólemde óteldi.

Aıta keteıik, BQO-da 35 mln teńge jymqyrǵan aýrýhana býhgalteri 7 jylǵa sottaldy.