BQO-da shekteý sharalary engizilgennen beri 88 adam jaýapqa tartylǵan
ORAL. QazAqparat – Batys Qazaqstan oblysynda karantındik shekteý sharalary engizilgennen beri 88 adam jaýapqa tartyldy, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń aıtýynsha, kesheden beri búgin 18.00-ge deıin óńirde osynshama adamnyń tótenshe jaǵdaı talabyn buzǵandyǵy anyqtaldy.
Olarǵa QR Ákimshilik quqyq buzý kodeksi 476-baby 6-tarmaǵyna sáıkes ákimshilik hattama toltyryldy. Bul bap boıynsha ákimshilik jaýapqa tartylǵandarǵa 10 AEK kóleminde aıyppul salynady nemese 15 táýlikke qamaqqa alynady.
«Karantın kezinde barlyq azamattardan ornatylǵan tártipti saqtap, polıtsııa qyzmetkerleriniń zańdy talabyna baǵynýdy suraımyz. Blokpostardan birinshi kezekte qajetti taýarlar tıelgen júk kólikteri ótedi. Jeke kólikter qujattary durys bolǵan jaǵdaıda kezek boıynsha jiberiledi. Mundaıda kezektiń de oryn alatyny belgili. Sondyqtan osynyń bárine túsinistikpen qaraǵan jón. Eń bastysy, qaýipsizdik talaptaryn saqtap, jumysqa barmaıtyn turǵyndardyń asa qajettilik týyndamasa, óz úılerinen shyqpaǵany durys», - dedi QazAqparat tilshisine B.Belgibekov.
Eske sala keteıik, budan buryn BQO-da myńnan astam adam baqylaýda ekenin, tótenshe jaǵdaı talabyn buzǵan aqtóbelik júrgizýshiniń qamaýǵa alynǵanyn jazǵan bolatynbyz.
