BQO-da shekarany zańsyz kesip ótpek bolǵan 9 shetel azamaty ustaldy

ASTANA. QazAqparat - Batys Qazaqstan oblysynda shekarany zańsyz kesip ótpek bolǵan 9 shetel azamaty ustaldy, dep habarlaıdy QR UQK baspasóz qyzmeti.

«2023 jylǵy 11 tamyzda UQK Shekara qyzmeti Batys Qazaqstan oblysy boıynsha departamentiniń áskerı qyzmetshileri belgilengen ótkizý pýnktterinen tys jerden Memlekettik shekarany zańsyz kesip ótýge talpynǵan 9 sheteldikti ustady.
Aldyn ala málimet boıynsha olar Eýroodaq elderine baǵyt alǵan.
17 tamyzda BQO Bórli aýdanynyń soty Ákimshilik quqyq buzýshylyq týraly kodekstiń 514-baby 2-bólimine sáıkes ustalǵandardy jaýapqa tartty» delingen habarlamada.
Vedomstvo málimetine saı, 2023 jyldyń basynan beri BQO aýmaǵynda Memlekettik shekarany kesip ótý tártibin buzǵan 110 sheteldik ustalǵan.