BQO-da shekarany zańsyz kesip ótken úsh shetel azamaty sottaldy
ORAL. KAZINFORM – Batys Qazaqstan oblysy Jánibek aýdandyq sotynda úsh shetel azamatyna qatysty úkim shyqty.
BQO sotynyń baspasóz qyzmetinen málim etkenindeı, olarǵa QR QK 392-baby 1-1-bóligi 1-tarmaǵyna sáıkes aıyp taǵyldy. Sottalýshylar 2025 jylǵy 3 jeltoqsanda shamamen saǵat 21.30-da belgilengen tártipti buzyp, ótkizý beketterinen tys jerden memlekettik shekarany ádeıi jáne zańsyz kesip ótken. Atap aıtqanda, Jánibek aýdanyndaǵy «Qaırat» shekara zastavasynyń №307-308 shekara belgisi mańyndaǵy eki qatarly sym qorshaýdan asyp ótken. 4 jeltoqsanda shamamen saǵat 07.20-da olar Taý aýylyna kelip, qaraýsyz qalǵan ǵımaratta jasyrynǵan. Sol kúni saǵat 08.30-da jergilikti turǵyn áıeldiń habarlamasy boıynsha polıtsııa qyzmetkerleri úsheýin ustap, Jánibek aýdandyq polıtsııa bólimine jetkizdi.
Sottalýshylar taǵylǵan aıypty tolyqtaı moıyndap, qylmysty Tájikstan men Ózbekstandaǵy týystaryna oralý úshin jasaǵandaryn jetkizdi. Olar óz ómirlerine qaýip tóngendigin, áskerı operatsııalarǵa qatysýǵa májbúr bolǵandyqtaryn jáne is-áreketterine ókinetinderin aıtyp, aıyppul túrindegi jaza taǵaıyndaýdy ótindi.
– Sot úkimimen 2 adamǵa 6 aı merzimge bas bostandyǵynan aıyrý jazasy taǵaıyndaldy. Bireýine 350 AEK mólsherinde aıyppul salynyp, jalpy somasy 1 mln 376,2 myń teńge óndirildi. Olardyń úsheýi de el aýmaǵynan shyǵaryldy. Úkim zańdy kúshine endi, - dep habarlady vedomstvodan.
Eske sala keteıik, budan buryn BQO-da medıtsınalyq mekemeden 8 qyzmetkerdiń paıdasyna 16 mln teńge óndirilgenin jazǵan edik.