BQO-da shekaradan medıtsınalyq qural-jabdyqtardy zańsyz alyp ketpek bolǵandar ustaldy
ORAL. QazAqparat – Batys Qazaqstan oblysynda shekaradan medıtsınalyq qural-jabdyqtardy zańsyz alyp ketpek bolǵandar ustaldy, dep habarlaıdy QazAqparat tilshisi.
QR UQK Shekara qyzmeti departamentiniń baspasóz qyzmeti málim etkenindeı, «Syrym» avtokólik ótkizý beketinde jalpy quny 1 mln 550 myń teńge turatyn 3100 dana medıtsınalyq qorǵanys kostıýmin alyp ketýdiń joly kesildi.
Budan basqa 12 mln teńge turatyn 800 dana pýlsti oksımetrdi qazaqstandyq azamattyń elden alyp ketpek bolǵany áshkerelendi.
Shekarashylar sondaı-aq «Syrym» beketinde 1 myń PTsR-testiniń shet el asyp ketýine tosqaýyl qoıdy. Aldyn ala esep boıynsha munyń quny 5 mln 74,480 myń teńgeni quraıdy.
Ustalǵan júk pen kólik quraldary ýákiletti memlekettik organdar qyzmetkerlerine tapsyryldy.
Eske sala keteıik, budan buryn BQO-da qarasha aıynda 355 adamnyń koronavırýstan jazylyp shyqqanyn jazǵan bolatynbyz.
