BQO-da shekaradan 4 myń dana pyshaqty alyp ótpek bolǵandar ustaldy

ORAL. KAZINFORM — Shekara qyzmeti BQO boıynsha departamenti «Syrym» ótkizý beketinde qoldan jasalǵan 4 myń dana pyshaqty tasymaldaýdyń jolyn kesti. 

QR UQK baspasóz qyzmetiniń habarlaýynsha, atalmysh taýar asa iri kólemde bolǵan. 

— Pyshaqtar ilespe qujattarsyz tasymaldanyp, basqa júkterdiń arasyna jasyrylǵan. Tárkilengen taýar BQO boıynsha memlekettik kirister departamentine berildi, - dep habarlady vedomstvodan. 

Eske sala keteıik, budan buryn shekara keńistiginde QR zańnamasyn buzǵan 4 323 adam jaýapqa tartylǵanyn jazǵan edik. 

Sondaı-aq BQO-da monopolııaǵa qarsy zańnamany buzǵany úshin «Aqjaiyq» ÁKK-ǵa aıyppul salynǵanyn habarlaǵan bolatynbyz.