BQO-da «Sharan» avtokóligi órtenip ketti
ORAL. QazAqparat – Batys Qazaqstan oblysynda «Sharan» avtokóligi órtenip ketti, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa 14 naýryz kúni Terekti aýdany Dolınnyı aýyly tusynda oryn aldy.
Saǵat 08.20-da Podstepnyı-Elek joly boıynda gazben jabdyqtalǵan «Volkswagen Sharan» avtokóligi otqa orandy.
Órt sóndirýshiler (5 adam, 1 tehnıka) ýaqtyly baryp, «tilsiz jaý» 08.50-de aýyzdyqtaldy.
Zardap shekkender joq.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.
«Avtokóliktiń gazdy otynmen jumysqa jappaı kóshirilýine, sonymen qatar azamattardan aryz-shaǵymnyń kóbeıýine baılanysty ótken jyldyń jeltoqsanynda órt qaýipsizdigi erejesine ózgeris engizildi. Bylaısha aıtqanda, gaz ballonymen jabdyqtalǵan avtokólikterge turǵyn úıler men qoǵamdyq ǵımarattarǵa taıaý oryn tepken jabyq turaqtarǵa kirýge tyıym salyndy. Ókinishke qaraı, avtokólikterdi gazben jabdyqtaǵan kezde qaýipsizdik talaptary saqtala bermeıdi (avtokólik ıeleriniń ótinishine sáıkes artyq qysymdy retteıtin tetikter ornatylmaıdy). Bul gaz ballonynyń jarylýyna ákeledi», dedi QazAqparat tilshisine E.Tóregeldıev.
Eske sala keteıik, budan buryn Oralda avtokólik mototsıklmen soqtyǵysyp, eki adamnyń jaraqat alǵanyn jazǵan bolatynbyz.
Foto: mgorod.kz
