BQO-da shabýylǵa ushyraǵan dúkenshi jansaqtaý bóliminde jatyr
ORAL. QazAqparat - Batys Qazaqstan oblysynda satýshy áıelge shabýyl jasaldy, dep habarlaıdy «QazAqparat» tilshisi.
Oqıǵa 26 qańtar kúni Zelenov aýdany Kóshim aýyldyq okrýginiń ortalyǵy Úlken Shaǵan aýylynda saǵat 16.00 men 16.30 aralyǵynda jeke dúkende bolǵan. Bul jóninde aýyl turǵyndary habarlady.
BQO ishki ister departamentiniń baspasóz qyzmeti bul oqıǵaǵa qatysty resmı aqparatty keıin beretinin jetkizdi.
Oblystyq densaýlyq saqtaý basqarmasynyń baspasóz hatshysy Salamat Eralınniń aıtýynsha, jutqynshaǵy men kómekeıinen jaraqat alǵan áıelge sol kúni túsken boıda ota jasalǵan. Qazir ol jansaqtaý bóliminde jatqanymen, esi kirgen, sóılep, jaýap bere alady. Jaǵdaıy dárigerlerdiń tolyq baqylaýynda.
