BQO-da segiz adam mas kúıinde polıtsııa qyzmetkerlerine shabýyl jasady
ORAL. QazAqparat – Batys Qazaqstan oblysynda segiz adam mas kúıinde polıtsııa qyzmetkerlerine shabýyl jasady, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Bórli aýdany aýmaǵynda 17 mamyrǵa qaraǵan túni Bórli – Oral avtojolynda boldy.
Bórli aýylynyń tusynda oblystyq patrýldik polıtsııa batalonynyń ınspektorlary reseılik nómirmen kele jatqan «Kıa Sorento» avtokóligine toqtaýǵa belgi bergen. Alaıda avtokólik polıtsııa qyzmetkerleriniń zańdy talabyna baǵynbaı, Qanaı aýylyna qaraı júrgen.
Sodan keıin avtokólik toqtap, ishinen mas kúıinde 8 adam shyqqan. Olar polıtsııa qyzmetkerlerine shabýyl jasap, dene jaraqattaryn keltirgen.
Jedel sharalar barysynda barlyq kúdiktiler anyqtalyp, ustaldy.
Qazirgi kezde QR QK 380-babyna (bılik ókiline qatysty kúsh qoldaný) sáıkes tergeý amaldary júrgizilýde.
