BQO-da sáýir aıynda joǵalyp ketken er adamnyń múrdesi tabyldy

Áleýmettik jelide jarııalanǵan aqparatta turǵyn 8 sáýirde joǵalyp ketken aǵasyn otbasy bolyp izdegenin jazady.

Onyń pikirinshe, polıtsııa óte baıaý jumys istegen. Birneshe ret shaǵym da jazǵan. Іzdestirý barysynda Kóshim aýylynda aǵasyn avtokólikten kórgen kýágerden tıisinshe jaýap alynbaǵan, tolyq tekserilmegen.

Marqumnyń denesi 28 maýsym kúni Kóshim kanalynan tabylǵan.

Osyǵan oraı Kazinform tilshisi BQO polıtsııa departamentine saýal joldaǵan edi.

Departamenttiń baspasóz qyzmetinen málim etkenindeı, Báıterek aýdany Aqsý aýylynyń turǵyny óziniń 1974 jylǵy kúıeýiniń iz-túzsiz joǵalyp ketkeni jóninde 11 sáýirde polıtsııaǵa júgingen.

Áıeldiń sózine qaraǵanda, er adam 8 sáýir kúni úıinen shyǵyp ketkennen oralmaǵan.

Atalǵan adamnyń habarsyz joǵalyp ketý deregi boıynsha sotqa deıingi tergeý amaldary júrgizildi.

Habar túskennen keıin BQO polıtsııa departamentiniń búkil jeke quramyna baǵyt berildi. Jedel izdestirý is-sharalary keshendi túrde atqaryldy. Kýágerlerden jaýap alynyp, Aqsý aýylynyń aýlalaryn aralaý jumystary júrgizildi.

Sondaı-aq joǵalyp keter aldynda ony kórgen jáne tildesken adamdar anyqtalyp, tekserildi.

Іzdestirý is-sharalaryna tótenshe jaǵdaı bóliminiń qyzmetkerleri, qyzmettik ıtimen kınologtar, súńgýirler, áýeden monıtorıng jasaý úshin ushqyshsyz ushatyn apparat mamandary, jergilikti atqarýshy organdar ókilderi, Báıterek aýdanynyń polıtseıleri tartyldy. Birlesken is-sharalar Kóshimnen Skvorkın aýylyna deıingi orman alqabynda, sonymen qatar Aqsý mańyndaǵy Jaıyq jaǵalaýynda júrgizildi.

Keshendi is-sharalarǵa qaramastan joǵalyp ketken adamnyń qaıda ekenin tabý múmkin bolmady.

- 28 maýsym kúni Kóshim kanalynan er adamnyń múrdesi tabyldy. Ólimniń sebebin anyqtaý úshin sot-medıtsınalyq saraptama taǵaıyndaldy. Saraptama qorytyndysyna sáıkes tıisti protsessýaldyq sheshim qabyldanatyn bolady, - dep habarlady vedomstvodan.

Eske sala keteıik, budan buryn Qazaqstannyń batysynda esirtki arnasynyń joly kesilgenin jazǵan edik.