BQO-da saýda zańnamasyn buzǵan 100-den astam kásipker jaýapkershilikke tartyldy
ORAL. KAZINFORM — Batys Qazaqstan oblysynda jyl basynan beri saýda jáne tutynýshylardyń quqyqtaryn qorǵaý departamentimen ákimshilik jaýapkershilikke tartýdyń 101 deregi tirkeldi.
Departament basshysy Elmıra Qımatovanyń málim etkenindeı, sonyń ishinde QR Ákimshilik quqyq buzýshylyq týraly kodeksiniń 204-4-babynyń 1, 2-bólimderine sáıkes satýshylardyń áleýmettik mańyzy bar azyq-túlik taýarlaryn ótkizý kezinde 15 paıyz saýda ústemesinen asyryp jiberý deregi boıynsha 92 is qozǵaldy.
- Sonymen qatar atalmysh kodekstiń 193-baby 4, 5-bólimderine sáıkes taýardy baǵasyn teńgemen kórsetpeı ótkizý, saýda nysanynyń ishki nemese syrtqy vıtrınalaryna qoıylǵan, quny zatbelgide rásimdelgen baǵadan asatyn taýardy ótkizý derekteri boıynsha 9 ákimshilik is qozǵalyp, aıyppul salyndy. Kodekstiń 193-baby boıynsha hattamalar jasaýǵa jeke tulǵalardyń ótinishteri negiz boldy. Al kodekstiń 204-4-baby boıynsha saýda nysandarynyń elektrondyq shot-faktýralardy taldaý nátıjelerine jáne memlekettik organdardan túsetin aqparattarǵa sáıkes is qozǵaldy, - dedi E.Qımatova.
Onyń naqtylaýynsha, departament quzyretine saýda nysandaryna qatysty memlekettik baqylaý men qadaǵalaýdy iske asyrý, sondaı-aq saýda qyzmetin retteý týraly zańnama talaptaryn buzý derekteri boıynsha ákimshilik is júrgizýdi qozǵaý kiredi.
Eske sala keteıik, budan buryn Batys Qazaqstanda kásipkerdiń sút baǵasyn asyryp satqany belgili bolǵanyn jazǵan edik.
