BQO-da satýshyǵa shabýyl jasaǵan kúdikti anyqtaldy
ORAL. QazAqparat - Batys Qazaqstan oblysynda satýshyǵa qaraqshylyq shabýyl jasaý oqıǵasy tergelýde, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, 26 qańtar kúni shamamen saǵat 17.00-de Zelenov aýdany Úlken Shaǵan aýylynda belgisiz bireý kıim dúkeninde satýshyǵa qaraqshylyq shabýyl jasaǵan bolatyn.
Atalǵan derek boıynsha QR QK 192-baby 2-bólimine sáıkes sotqa deıingi tergeý amaldary júrgizilýde. Qazirgi kezde kúdikti anyqtaldy.
Pyshaq jaraqatyn alǵan áıel oblystyq klınıkalyq aýrýhanaǵa túsip, oǵan ota jasalǵan bolatyn.
Eske sala keteıik, qaraqshylyq shabýylǵa ushyraǵan satýshynyń jansaqtaý bóliminde jatqany jóninde jazǵan bolatynbyz.
