BQO-da sanıtarlyq talaptardy buzǵandarǵa 50-den astam hattama toltyryldy
ORAL. QazAqparat – Batys Qazaqstan oblysynda jyl basynan beri sanıtarlyq-epıdemıologııalyq talaptardy buzǵandarǵa qatysty 2,7 mln-ǵa jýyq teńgege 51 hattama toltyryldy, dep habarlaıdy QazAqparat tilshisi.
BQO densaýlyq saqtaý basqarmasy baspasóz qyzmetiniń habarlaýynsha, sońǵy aptada (26 qańtar – 2 aqpan) 525 myńnan astam teńgege 13 hattama túzildi.
Oblysta barlyǵy 158 monıtorıngtik top bolsa, sonyń 20-sy Oral qalasynda, 138-i aýdandarda áreket etýde.
«Qyzyl» aımaqta turǵan óńirde keshe 55 adamnan, bir aptada 623 adamnan koronavırýs anyqtaldy.
Іndet bastalǵannan beri 11113 adamnan indet tabylyp, sonyń 9153-i jazylyp shyqty.
Qazirgi tańda 284 adam juqpaly aýrýlar statsıonarynda em alýda. 21 adam karantındik statsıonarda, 16 adam jansaqtaý bóliminde jatyr.
Jyl basynan beri koronavırýs juqtyrǵan balalar sany 138-ge jetti.
Eske sala keteıik, budan buryn BQO ákiminiń orynbasary men bas memlekettik sanıtar dárigeri koronavırýsqa qarsy ekpe saldyrǵanyn jazǵan bolatynbyz.
