BQO-da sanıtarlyq talaptardy buzǵandarǵa 35,6 mln teńge aıyppul salyndy
ORAL. QazAqparat – Batys Qazaqstan oblysynda sanıtarlyq-epıdemıologııalyq talaptardy buzǵandarǵa 35,6 mln teńge aıyppul salyndy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, barlyǵy 584 ákimshilik hattama toltyryldy.
Sonymen qatar dári-dármek baǵasyn shekten tys arttyrǵany, ruqsatsyz satqany jáne tirkeý qujatynyń bolmaǵany úshin jeke dárihana basshylary men jeke adamdarǵa 11,3 mln teńgege 57 aıyppul salyndy.
Kúni búginge deıin oblysta koronavırýs juqpasymen 6785 adam tirkelse, sonyń 6213-i jazylyp shyqty.
Jedel járdem stansalarynda 63 avtokólik bar, kún saıyn shamamen 700 shaqyrtý bolyp turady.
Qazirgi tańda densaýlyq saqtaý nysandarynda dári-dármek, kadr tapshylyǵy joq.
Áleýmettik tólemaqy tóleý úshin óńirlik komıssııada 188 medıtsına qyzmetkerine qatysty materıal qaralyp, sonyń 126-sy oń sheshimin taýyp, QR Densaýlyq saqtaý mınıstrliginiń aqparat júıesine engizý úshin jiberildi. Tehnıkalyq sebepterge baılanysty bas tartylǵan 13 materıal boıynsha mınıstrlikpen kelisilýde. 88 materıal boıynsha derekter aqparat júıesine engizildi.
Arnaıy jumys toby járdemaqy tóleý úshin materıal jınaý isin jalǵastyrýda.
Eske sala keteıik, budan buryn Batys Qazaqstanda ahýal qandaı ekendigin jazǵan bolatynbyz.
