BQO-da Samara-Shymkent jolynda kólik qozǵalysy shekteldi
ORAL. QazAqparat – Batys Qazaqstan oblysynda Samara-Shymkent jolynda kólik qozǵalysy shekteldi, dep habarlaıdy QazAqparat tilshisi.
«Qazavtojol» JShS BQO fılıalynyń málimeti boıynsha 18 naýryz kúni jergilikti saǵat 21.00-den bastap aýa raıynyń nasharlaýyna baılanysty respýblıkalyq mańyzy bar Samara-Shymkent (394-526 km, Jympıty aýylynan Aqtóbe oblysynyń shekarasyna deıin) kúre joly júk jáne qoǵamdyq kólikter úshin jabyldy.
Jabylý sebebi – kóktaıǵaq, burqasyn, jańbyr.
Osyǵan oraı BQO TJ departamenti eskertý jarııalanǵanyn habarlady.
Eske sala keteıik, budan buryn BQO-da oblystyq joldarda da kólik qozǵalysy shektelgenin, qar qursaýynda qalǵan 20 adamnyń qutqarylǵanyn jazǵan bolatynbyz.
