BQO-da saltanatty túrde ashylǵan jol qurylysy bitpeı qalǵany ras pa
ORAL. KAZINFORM — Batys Qazaqstan oblysynda respýblıkalyq mańyzy bar Podstepnyı-Terekti-RF shekarasy (0-36 km) joly bıylǵy 10 jeltoqsanda ashylǵan bolatyn.
Zańger, BQO qoǵamdyq keńesiniń múshesi Baýyrjan Ahmetjannyń málim etkenindeı, onyń saltanatty ashylý rásimine Batys Qazaqstan oblysynyń ákimi Narıman Tóreǵalıev pen «QazAvtoJol» UK» AQ basqarma tóraǵasy Darhan Imanashev qatysqan.
Qoǵam belsendisiniń sózine qaraǵanda, merdiger «Kazkomservıs» JShS shart boıynsha mindetterin tolyq oryndamaǵan.
— 19 jeltoqsan kúni atalmysh jol boıynda bolyp, mynadaı kemshilikter men zańbuzýshylyqtardy anyqtadym. Eń aldymen 36 km asfalttyń betine salynǵan jol tańbasy kóp jerde ketip qalǵan. Poıma aýyly tusyndaǵy kópir men Podstepnyı kenti janyndaǵy jol aıryǵynda birneshe jerde qorǵanysh kedergileri jasalmaǵan. Bul jol qaýipsizdigine tikeleı qatysty, ıaǵnı kólikterdiń kópirlerde júrýi óte qaýipti. Sol sekildi jol belgileri ornatylǵan temir baǵanalardyń uzyndyǵy 2 metrge tómen. Túngi jaryq baǵanalary túbinde topyraq úıilip qalǵan jáne olar elektr qýatyna qosylmaǵan. Jol jıegi bekitilmegen, munda da topyraq úıindileri jatyr. Bul da apattyq jaǵdaıǵa soqtyrýy múmkin, — deıdi B.Ahmetjan.
Onyń aıtýynsha, munyń bári Jol qozǵalysyn retteýdiń tehnıkalyq quraldary qoldaný erejelerine qaıshy.
Memlekettik satyp alý týraly zańnyń 4-baby 4-tarmaǵyna saı, memlekettik satyp alýǵa josyqsyz qatysýshylardyń tizilimine ózderimen jasalǵan sharttar boıynsha óz mindettemelerin tıisti túrde oryndamaǵan ónim berýshiler kiredi.
Tapsyrys berýshi memlekettik satyp alý týraly zańnamanyń nemese sharttyń talaptaryn buzý faktisi týraly ózine málim bolǵan kúnnen bastap kúntizbelik otyz kúnnen keshiktirmeı mundaı ónim berýshini memlekettik satyp alýǵa josyqsyz qatysýshy dep taný týraly talap qoıýmen sotqa júginýge mindetti.
B.Ahmetjannyń málimdeýinshe, goszakup.gov.kz portalyna saı, QazAvtoJol «Kazkomservıs» JShS-men (dırektory Baqytjan Qultekenov, quryltaıshysy Qaıyrjan Qultekenov) birneshe shart jasaǵan.
Máni — Podstepnyı-Terekti-RF shekarasy jolyn (0-36 km) rekonstrýktsııalaý.
— Jol qurylysy 3,5 jylda birneshe ese ósti. 2022 jyly 30 maýsymda shart 21 mlrd 883 mln 423,883 myń teńgege jasaldy. Al bıylǵy 28 qazanda 32 mln 040 mln 504,577 myń teńgege jetken. ıAǵnı «Kazkomservıs» qaıta jańǵyrtyp jatqan kólik jolynyń bir shaqyrymynyń baǵasy 890 mln teńgeden asady. Jumystyń aıaqtalý merzimi bıylǵy 9 jeltoqsan kúni dep belgilengen. Ony ýaqytynda bitirmegen jaǵdaıda merdiger turaqsyzdyq aıybyn tóleýi tıis, — dep qosty BQO qoǵamdyq keńesiniń múshesi.
Osy máselege oraı Kazinform tilshisi QazAvtoJoldyń BQO fılıalyna arnaıy saýal joldady.
Fılıal dırektory Asylbek Mardannyń naqtylaýynsha, Podstepnyı-Terekti-RF shekarasy avtomobıl jolyn qaıta jańǵyrtý nysanynyń 0-36 km ýchaskesi boıynsha qabyldaý aktisine qol qoıylmaǵan.
— 10 jeltoqsanda kólik quraldarynyń kedergisiz ótýin qamtamasyz etý maqsatynda qozǵalys ashyldy. Atalǵan ýchaskede negizgi jumystar tolyq aıaqtaldy. Qazirgi ýaqytta aýa raıyn eskere otyryp, avtomobıl jolyn abattandyrý, sonyń ishinde barerlik qorshaýlardy ornatý, jol jıekterin nyǵaıtý, sý aǵyzý naýalaryn salý, jol belgilerin ornatý jáne syrtqy jaryqtandyrýdy qosý isi jalǵasyp jatyr. Qalǵan jumys kólemi boıynsha merdiger uıymǵa tólem jasalǵan joq. Shart merzimi jyl sońynda aıaqtalady, — dedi A.Mardan.
Eske sala keteıik, budan buryn BQO-da jol salýshy kompanııanyń 19,7 mln teńgeni bıýdjetke qaıtarǵanyn jazǵan bolatynbyz.