BQO-da sabaq kezinde oqýshy kózinen jaraqat aldy
ORAL. QazAqparat - Batys Qazaqstan oblysynda sabaq kezinde oqýshy kózinen jaraqat aldy, dep habarlaıdy QazAqparat tilshisi.
Oqıǵa 6 mamyr kúni Jańaqala aýdany ortalyǵy Jańaqala aýylyndaǵy №3 orta mektepte bolǵan.
Aýdandyq bilim berý bóliminiń basshysy Eljas Qadyrovtyń aıtýynsha, saǵat 8.40-tar shamasynda 5-synyp oqýshysy qalamyn abaılamaı partaǵa laqtyrǵan kezde ol keri ushyp baryp synyptasynyń kózine tıgen (bulardyń ekeýi de - ul). Sol shamada mektep dırektory shaqyrtqan muǵalim sabaqta bolmaı qalǵan.
Sol boıda jaraqat alǵan oqýshyǵa mektep medbıkesi alǵashqy járdem kórsetip, odan aýdandyq aýrýhanaǵa jetkizilgen.
«Qazirgi kezde kózinen jaraqat alǵan oqýshy oblystyq aýrýhanada emdelip jatyr», - dedi QazAqparat tilshisine E.Qadyrov.
Oqys oqıǵanyń jaı-japsary anyqtalý ústinde.
Eske sala keteıik, budan buryn Jańaqala aýylynda mektep oqýshysy avtokólik aıdap ketip, jolda aýdarylyp qaldy. Kólikte bolǵan 17 jasar qyz keıin aýrýhanada kóz jumdy. Osy oqıǵa baılanysty qylmystyq is qozǵalǵan bolatyn.
