BQO-da respýblıkalyq joldy sý shaıyp ketti
«QazAvtoJol» AQ BQO fılıalynyń málimeti boıynsha 13 naýryz kúni jergilikti saǵat 18.20-dan bastap respýblıkalyq mańyzy bar Podstepnyı-Terekti-RF shekarasy avtojolynda (97-131 km, Bórli aýylynan Aqsaı qalasyna deıin) barlyq kólik túrleri úshin qozǵalys shekteldi.
Jabylý sebebi – tasqyn sý joldy shaıyp ketken.
Osyǵan baılanysty BQO TJ departamenti eskertý jarııalap, mekeme-uıymdarǵa habarlandyrý jiberdi.
Eske sala keteıik, budan buryn Batys Qazaqstan oblysyndaǵy Bórli aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Oral qalasynda tótenshe jaǵdaı jarııalandy.
Keıin BQO-nyń taǵy bir aýdanynda tótenshe jaǵdaı jarııalandy.
Búgin keshqurym Batys Qazaqstan oblysy Bórli aýdany Aqbulaq aýylyna tasqyn sý kirip, 44 adam evakýatsııalandy.