BQO-da respýblıkalyq joldarǵa 350 myń tonna asfalt tóseldi
ORAL. QazAqparat – Batys Qazaqstan oblysynda bıyl respýblıkalyq mańyzy bar joldarǵa 350 myń tonna asfalt tóseldi, dep habarlaıdy QazAqparat tilshisi.
«QazAvtoJol» UK» AQ BQO fılıalynyń basshysy Qazbek Mámbetovtiń brıfıngte málim etkenindeı, Oral-Býzýlýk kúrejoly tolyq jóndeýden ótti.
Onyń sózine qaraǵanda, atalmysh joldyń jalpy uzyndyǵy – 28 shaqyrym.
«Asfaltbeton jabyny aýystyrylyp, jol qozǵalysy qaýipsizdigin qamtamasyz etý boıynsha is-sharalar oryndaldy. Qurylys-montaj jumystaryna 60 maman, 45 tehnıka jumyldyryldy. Sonymen qatar Samara-Shymkent avtomobıl jolynyń úsh ýchaskesi (298-330, 408-443, 511-526 km aralyqtary) jóndeldi. Bıyl óńirde barlyǵy 110 shaqyrym jol ortasha jóndeý jumystarymen qamtyldy», - dedi Q.Mámbetov.
Fılıal basshysy, sondaı-aq Podstepnyı-Fedorov respýblıkalyq jolyn jóndeıtin merdiger uıymdar anyqtalǵanyn jetkizdi.
Respýblıkalyq mańyzy bar joldardy jóndeý aldaǵy jyly da jalǵasady.
Foto: qaj.kz
