BQO-da respýblıkalyq jol barlyq kólik túrleri úshin jabyldy

ORAL. QazAqparat – Batys Qazaqstan oblysynda respýblıkalyq jol jabyldy, dep habarlaıdy QazAqparat tilshisi.

«QazAvtoJol» AQ BQO fılıalynyń málimeti boıynsha Aqtóbe oblysynda aýa raıynyń nasharlaýyna baılanysty respýblıkalyq mańyzy bar Samara-Shymkent jolynda (394-526 km, Jympıty aýylynan Aqtóbe oblysynyń shekarasyna deıin) barlyq kólik túrleri úshin shekteý qoıyldy.

Jabylý sebebi – kóktaıǵaq.

Budan buryn Batys Qazaqstan oblysynda 19 jeltoqsanǵa qaraǵan túni eki respýblıkalyq jol jabylyp, búgin tańmen qaıta ashylǵan edi.

BQO TJ departamenti erteń de óńirde kóktaıǵaq bolatyny jóninde eskertý jarııalady.

Eske sala keteıik, budan buryn Oralda eki aktokólik soqtyǵysyp, úsh adamnyń aýrýhanaǵa túskenin jazǵan bolatynbyz.