BQO-da respýblıkalyq mańyzy bar taǵy bir trassany sý basty

ORAL. QazAqparat – Batys Qazaqstan oblysynda respýblıkalyq taǵy bir joldy sý basyp qaldy, dep habarlaıdy QazAqparat tilshisi.

BQO Tótenshe jaǵdaılar departamentiniń jedel shtabynan málim etkenindeı, oqıǵa 3 sáýir kúni keshkisin Terekti aýdanynda boldy.

«Tasqyn sý respýblıkalyq mańyzy bar Podstepnyı-Fedorov jolynyń 11-shaqyrymynda jol tóseminen (eni 60 metr, tereńdigi 5-10 sm) asty. Osy tusta temirbeton qubyr bolǵanymen, ol erigen qar sýyn ótkizýge úlgere almaýda. «QazAvtoJol» JShS kúshimen (12 qyzmetker, 3 tehnıka) jol sheti ınertti materıaldar, qum salynǵan qaptarmen (700 dana) bekitilýde. Jol qozǵalysyna kedergi keltirilgen joq. Kezekshilik uıymdastyryldy», dep habarlady vedomstvodan.

Eske sala keteıik, budan buryn Batys Qazaqstanda 100-ge jýyq turǵyn úıdi sý basqanyn, tasqyn sý shaıyp ketken soń birneshe kólik joly jabylǵanyn jazǵan bolatynbyz.

Sondaı-aq BQO-da 2 júkti áıel sý basqan aýmaqan tikushaqpen Oralǵa jetkizildi.