BQO-da Reseımen shekarada júk kólikteriniń kepteliste turǵany ras pa

ORAL. KAZINFORM – Batys Qazaqstan oblysynda Reseımen shekarada júk kólikteriniń kepteliste turǵany jóninde beınejazba tarady.

Beınejazbada er adam «Syrym» avtomobıl ótkizý beketine qaraı júk kólikteriniń kezekte turǵanyn aıtady.

- Kesheden beri osylaı turmyz. Avtokólikterdiń kezegi Pavlov aýylynan ári asyp ketken. Shekara jumys jasamaıdy, - deıdi ol.

Osyǵan oraı Kazinform tilshisi BQO boıynsha memlekettik kirister departamentine saýal joldaǵan edi.

Vedomstvodan túsken málimetke qaraǵanda, departament tarapynan bári qalypty jumys jasap tur. Beıtarap aımaq Reseı Federatsııasyna qaraı júk kóligine tolǵan. Keptelis sebebi Reseı tarapynan.

«Syrym» avtomobıl ótkizý beketi qyzmetkeriniń aıtýynsha, júk kólikteriniń bári tekserýden ótip jatyr.

Eske sala keteıik, budan buryn Batys Qazaqstanda Reseımen shekarada júk kólikteri kepteliste turǵanyn jazǵan edik.

Sondaı-aq BQO-da tyıym salynǵan taýarlardy zańsyz áketýdiń 219 deregi tirkeldi.