BQO-da Reseıden kelgen taǵy bir turǵynnan koronavırýs anyqtaldy
ORAL. QazAqparat – Batys Qazaqstan oblysynda Reseıden kelgen taǵy bir turǵynnan koronavırýs anyqtaldy, dep habarlaıdy QazAqparat tilshisi.
BQO-nyń shuǵyl shtaby málim etkenindeı, Reseıde vahtalyq ádispen jasaıtyn oblys turǵyny 40 jasta.
Saratov oblysymen shektesetin «Tasqala» avtoótkelindegi sanıtarlyq-karantındik beketten ótken kezde onyń densaýlyǵyna eshqandaı shaǵymy bolmaǵan. Alaıda karantındik statsıonarda zertteý qorytyndysymen COVID- 19 dıagnozy naqtylandy.
«Qazirgi tańda naýqastyń jaǵdaıy qanaǵattanarlyq. Oblystyq juqpaly aýrýlar aýrýhanasyna jatqyzyldy. Onymen qarym-qatynasta bolǵandar anyqtalyp, barlyǵy medıtsınalyq baqylaýǵa alyndy. Aýrý oshaǵynda dezınfektsııalyq jumystar júrgizildi», dep habarlady shuǵyl shtabtan.
Osylaısha óńirde syrqattanǵandar sany 33-ke jetip, sonyń ekeýi jazylyp shyqty.
Eske sala keteıik, budan buryn BQO-da sońǵy eki naýqastyń Reseıden kelgenin jazǵan bolatynbyz.
