BQO-da Reseıden kelgen azamat sýǵa ketti
ORAL. QazAqparat - Batys Qazaqstan oblysynda Reseıden kelgen azamat sýǵa ketti, dep habarlaıdy QazAqparat tilshisi.
Terekti aýdany ákimi apparatynyń tótenshe jaǵdaılar jónindegi bas ınspektory Baqytjan Esqojınniń sózine qaraǵanda, qaıǵyly oqıǵa 12 sáýirden 13-ine qaraǵan túni Pokatılov aýyly mańyndaǵy sý qoımasynda bolǵan.
46 jastaǵy azamat osy aýylda turatyn týys inisine kelgen. Ol Reseı azamattyǵynan shyǵyp, Qazaqstan azamattyǵyn alý úshin inisimen birge qujat rásimdep júrgen. Sosyn keshkisin balyq aýlaýǵa barǵan. Saǵat 22.00 shamasynda týysy aýylǵa tamaq alyp kelýge ketken. Qaıtyp kelse, baýyry joq.
Marqumnyń denesin juma kúni tańerteń osy aýyldyń turǵyny tapqan.
Eske sala keteıik, budan buryn ótken jylǵy jeltoqsan aıynda balyq aýlaýǵa barǵan tórt adam sýǵa ketken bolatyn.
