BQO-da prokýratýranyń aralasýymen ınvestor tsement zaýytyn salý jumysyn jalǵastyrdy

ORAL. KAZINFORM — Batys Qazaqstan oblysynda ınvestordyń BQO jer qatynastary basqarmasy tarapynan kedergige tap bolǵany anyqtaldy. 

BQO prokýratýrasynyń baspasóz qyzmetinen málim etkenindeı, Memleket basshysynyń tapsyrmasyna sáıkes mańyzdy ınvestıtsııalyq jobalardy qoldaý boıynsha júıeli jumys istelip jatyr.

Belgili bolǵanyndaı, «SpetsStroıServıs» JShS 2022 jyldan bastap ınvestıtsııa kólemi 75 mlrd teńge bolatyn tsement salý jáne 60 jumys ornyn ashý jobasyn qolǵa alǵan. Alaıda BQO jer qatynastary basqarmasy bolashaq kásiporynnyń jumysyna qajetti sazdy shıkizat pen opokadan bor óndirýge arnalǵan jer telimin jalǵa berý shartyn buzý týraly sotqa shaǵym túsirgen.

Máseleni sheshý maqsatynda Batys Qazaqstan oblysynyń prokýratýrasy barlyq múddeli taraptyń qatysýymen front-ofıs otyrysyn uıymdastyryp, nátıjesinde talap aryz keri qaıtaryp alyndy. Áıtse de bir jyldan keıin basqarma jaldaý shartyn birjaqty buzyp, sot bul áreketti qoldady.

— Oblys prokýratýrasynyń narazylyǵymen ınvestordyń buzylǵan quqyǵyn qalpyna keltirýge múmkindik beretin sot aktisiniń kúshi joıyldy. Qabyldanǵan sharalardyń arqasynda ınvestor qytaılyq seriktesimen 100 mln dollar kóleminde kelisimge kelip, zaýyt qurylysyn jalǵastyrdy, — dep habarlady vedomstvodan.

Eske sala keteıik, budan buryn BQO-da quny 53 mln teńge turatyn 10 turǵyn úıdiń memlekettik menshikke tirkelmegenin jazǵan edik.