BQO-da prokýratýranyń aralasýymen 468,5 mln teńge memleketke qaıtaryldy
ORAL. KAZINFORM – Batys Qazaqstan oblysynda ótken jyly prokýratýranyń aralasýymen 468,5 mln teńge memleketke qaıtaryldy.
Bul týraly oblys prokýrory Serik Shalabaevtyń tóraǵalyq etýimen 2024 jylǵy jumys qorytyndylaryna arnalǵan keńeıtilgen alqa otyrysynda aıtyldy.
BQO prokýratýrasynyń baspasóz qyzmetinen málim etkenindeı, qabyldanǵan aldyn alý sharalarynyń nátıjesinde qylmys 6,1 (4 621-den 4 338-ge), sonyń ishinde aýyr qylmys 14,1 paıyzǵa (1 158-den 995-ke) tómendedi.
Úılestirý sharalarymen polıtsııanyń esirtki qylmystaryn anyqtaý jumysy kúsheıtildi. «Nashaqorlyqqa jol joq» jobasy aıasynda eriktilerdiń qatysýymen 350-den astam esirtki jarnamasy joıyldy.
- Ótken jyly prokýrorlar 442 tekserý júrgizip, 90 myńnan astam azamattyń quqyǵyn qorǵady. Sondaı-aq 1 063 adamdy ár túrli jaýapkershilikke tartty. Memleketke 468,5 mıllıon teńge qaıtaryldy. Tekserý qorytyndysy boıynsha barlyǵy 18 qylmystyq is qozǵalyp, onyń 10-y boıynsha aıyptaý úkimderi shyǵaryldy. Kámeletke tolmaǵandardyń quqyǵyn qorǵaý qadaǵalandy. Osy oraıda 72,9 myń balanyń quqyǵy qorǵaldy. Prokýratýranyń úılestirýimen alıment boıynsha bereshek 1 mıllıard teńgege azaıtyldy, - dep habarlady vedomstvodan.
Mektepterdegi balalarǵa qatysty zorlyq-zombylyq jaǵdaılaryn azaıtý úshin oblystyq prokýratýranyń bastamasymen barlyq bilim berý uıymdarynda «Komek Stop Bulling» platformasy jumys isteıdi. Bul baǵdarlama balalardyń túıtkildi máselelerin tez sheshýge múmkindik beredi. Nátıjesinde kámeletke tolmaǵandar jasaǵan qylmystyq quqyq buzýshylyqtar 18 paıyzǵa azaıdy.
Eske sala keteıik, budan buryn BQO-da bilim salasynyń 40-qa jýyq qyzmetkeri jaýapqa tartylǵanyn jazǵan edik.