BQO-da Prado aýdarylyp, júrgizýshi aýrýhanaǵa jetkizildi
ORAL. QazAqparat – Batys Qazaqstan oblysynda «Toyota Land Cruiser Prado» kóligi aýdarylyp, júrgizýshi aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa 8 sáýir kúni saǵat 06.30 shamasynda Oral-Atyraý jolynda boldy.
«Saıat» avtokempıngi tusynda Aqjaıyq aýdany Taıpaq aýylynyń 21 jastaǵy turǵyny «Toyota Land Cruiser Prado» avtokóliginiń rýline ıe bola almaı, aýdarylyp qalǵan.
Qazirgi málimet boıynsha júrgizýshiniń oń jambasy synyp, jabyq mas-mı jaraqatyn alǵan, sondaı-aq mıy shaıqalyp, shúıdesine zaqym kelgen. Ol Aqjaıyq aýdandyq aýrýhanasyna jatqyzyldy.
Eske sala keteıik, budan buryn Oralda «Master» dúkeniniń órtengenin jazǵan bolatynbyz.
