BQO-da polıtsııa qyzmetkerlerine 30 jańa kóliktiń kilti tabys etildi
ORAL. KAZINFORM — Oral qalasyndaǵy Jeńis alańynda Konstıtýtsııanyń 30 jyldyǵyna oraı saltanatty is-shara ótkizildi.
Polıtsııa qyzmetkerlerin Batys Qazaqstan oblysynyń ákimi Narıman Tóreǵalıev quttyqtap, Ata zańnyń elimiz úshin mańyzdylyǵyn atap kórsetti.
Sodan keıin erekshe kózge túsken qyzmetkerlerge alǵyshattar men gramotalar tabys etildi.
BQO polıtsııa departamentiniń bastyǵy, polıtsııa polkovnıgi Arman Orazalıev Qazaqstan Respýblıkasy Іshki ister mınıstriniń atynan tósbelgiler, alǵys hattar men gramotalar tapsyrdy. Birqatar qyzmetker departament bastyǵynyń buıryǵymen marapattaldy.
Sonymen qatar aýdandyq polıtsııa bólimderine 30 jańa qyzmettik avtokóliktiń kilti berildi.
Saltanatty jaǵdaıda jas polıtsııa qyzmetkerleri áriptesteriniń aldynda Otanǵa jáne halyqqa adal qyzmet etýge ant berdi.
Іs-shara Oral garnızony polıtsııasynyń saltanatty sherýimen aıaqtaldy.
Eske sala keteıik, budan buryn BQO-da joǵalyp ketken qyz tabylyp, kúdiktige qatysty qylmystyq is qozǵalǵanyn jazǵan edik.