BQO-da polıtsııa qyzmetkeri óz-ózine qol jumsady
ORAL. KAZINFORM — Batys Qazaqstan oblysy Báıterek aýdany Dostyq aýylynda polıtsııa qyzmetkeri asylyp qaldy.
Aýyl turǵyndarynyń sózine qaraǵanda, oqıǵa 21 maýsym kúni boldy. 22 jastaǵy polıtsııa qyzmetkeri óz úıiniń aýlasynda ómirin qıǵan. Marqum 23 maýsym kúni jerlendi.
Dostyq aýyldyq okrýginiń ákimi Ábýbákir Tóleýov oqıǵany rastady.
BQO polıtsııa departamentiniń baspasóz qyzmetinen málim etkenindeı, er adamnyń ózine-ózi qol jumsaýyna baılanysty qylmystyq is tirkeldi.
Qazirgi kezde oqıǵanyń mán-jaıy anyqtalý ústinde.
Eske sala keteıik, budan buryn BQO-da prokýratýra qyzmetkeriniń ózine-ózi qol jumsaǵanyn jazǵan edik.
