BQO-da polıtsııa 10 adamdy san soqtyrǵan kúdiktini quryqtady
ORAL. KAZINFORM – Batys Qazaqstan oblysy polıtsııa departamentiniń kıberqylmysqa qarsy is-qımyl basqarmasynyń qyzmetkerleri 31 jastaǵy Aqtóbe qalasynyń turǵynyn ustady. Ol birqatar alaıaqtyq áreket jasady degen kúdikke ilindi. Bul týraly Іshki ister mınıstrliginiń baspasóz qyzmeti habarlady.
Tergeý barysynda kúdiktiniń áleýmettik jeliler arqyly adamdarmen tanysyp, túrli syltaýlarmen, sonyń ishinde basqa oqý oryndaryna aýystyrýǵa kómektesemin jáne júrgizýshi kýáligin alyp beremin dep ýáde berip, azamattardyń aqshasyn aldap alǵany anyqtaldy. Onyń áreketinen Batys Qazaqstan oblysynyń 10 turǵyny zardap shekken. Keltirilgen jalpy shyǵyn kólemi 1 mln 400 myń teńgeni quraıdy.
Jedel-izdestirý sharalary nátıjesinde kúdikti Almaty qalasynda ustalyp, Oral qalasyna jetkizildi jáne ýaqytsha ustaý ızolıatoryna qamaldy.
Atalǵan fakti boıynsha qylmystyq is qozǵaldy.
Qazirgi tańda tergeý amaldary júrgizilip, onyń Qazaqstannyń basqa óńirlerinde osyndaı qylmystarǵa qatysy bar-joǵy tekserilip jatyr.