BQO-da polıtsııa qyzmetkerine qol kótergen turǵyn sottaldy
ORAL. QazAqparat - BQO-nyń Qaratóbe aýdanynda polıtsııa qyzmetkerine qol kótergen turǵyn sottaldy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, Qaratóbe aýylynyń turǵyny mas kúıinde qyzmettik mindetin atqaryp júrgen jergilikti polıtsııa qyzmeti uıymdastyrý máseleleri jónindegi ınspektorynyń ar-namysyna tıetin sózder aıtyp, balaǵattaǵan. Onymen qoımaı, soqqy jasaǵan.
Qaratóbe aýdandyq sotynyń úkimimen atalǵan turǵyn QR QK 378-baby 1-bóligi (bılik ókiline til tıgizý), 380-babyna ( bılik ókiline kúsh qoldaný) sáıkes aıypty dep tanylyp, onyń bir jylǵa bas bostandyǵy shekteldi.
Sot úkimi zańdy kúshine engen joq.
