BQO-da polıtsııa kóligi «Aýdımen» soqtyǵysty: 1 adam qaza bolyp, 3-eýi jaraqattandy
ORAL. QazAqparat - Batys Qazaqstan oblysynda patrýldik mashına men «Aýdı» soqtyǵysyp, bir adam qaza tapty. Taǵy úsh adam jaraqattandy, dep habarlaıdy «QazAqparat» tilshisi.
Oqıǵa 1 naýryz kúni «Oral-Aqsaı» joly boıynda Bórli aýdany Masaıtóbe aýyly tusynda bolǵan.
Oblystyq densaýlyq saqtaý basqarmasy basshysynyń orynbasary Gúlnár Ábdirahmanovanyń aıtýynsha, zardap shekkenderdiń barlyǵy er adamdar. Olar Bórli aýdandyq ortalyq aýrýhanasyna jetkizildi. Qazirgi ýaqytta zardap shekken eki adamdy oblystyq klınıkalyq aýrýhanaǵa aýystyrý máselesi qaralýda. «Aýdı» júrgizýshisi aýrýhanaǵa jatýdan bas tartty.
BQO Іshki ister departamenti bul oqıǵaǵa qatysty aqparatty keıin beretinin jetkizdi.
Aıta keteıik, bul - sońǵy kúnderi polıtsııa qyzmetkerleriniń qatysýymen bolǵan ekinshi oqıǵa. 27 aqpan kúni Syrym aýdany Alǵabas aýyly tusynda avtobýspen túıisken «VAZ-2114» avtokóliginiń rýlinde bolǵan aýdandyq Іshki ister bólimi ýchaskelik ınspektorynyń qaza bolǵanyn jazǵan bolatynbyz.
