BQO-da polıtseıler «sary qyzdyń» elesi jaıly aqparatty tekseretin boldy
ORAL. QazAqparat – Batys Qazaqstan oblysynda polıtseıler «sary qyzdyń» elesine baılanysty aqparatty tekseretin bolady, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekov málim etkendeı, bul jóninde oblystyq departament bastyǵynyń mindetin atqarýshy Janbolat Janshın Qaratóbe aýdany jergilikti polıtsııa qyzmetine arnaıy tapsyrma bergen.
Hankól aýyly mańynda «sary qyzdy kórdik» degen kýágerler anyqtalyp, olardan jaýap alynady. Sondaı-aq áleýmettik jelide taralyp ketken beınejazbanyń shyndyqqa sáıkestigi saralanatyn bolady.
«Turǵyndardan máseleniń baıybyna barmastan, kúmándi aqparattardy taratpaý suralady. Kórineý jalǵan aqparat taratqany úshin QR QK 274-babyna sáıkes qylmystyq jaýapkershilik qarastyrylǵanyn eske salamyz», dedi QazAqparat tilshisine B.Belgibekov.
Eske sala keteıik, budan buryn BQO ákiminiń «sary qyzdyń» elesine baılanysty túsinik bergenin jazǵan bolatynbyz.
