BQO-da polıtseıler men shekarashylarǵa «Halyq alǵysy» medali tabystaldy

ORAL. QazAqparat – BQO polıtsııa departamentinde tártip saqshylary men shekarashylarǵa «Halyq alǵysy» medali tabys etildi, dep habarlaıdy QazAqparat tilshisi.

Saltanatty rásimge qatysqan oblys ákiminiń birinshi orynbasary Muhtar Mankeevtiń atap ótkenindeı, karantın kezinde ýaqytpen sanaspaı, qyzmet etip júrgen polıtsııa qyzmetkerleri men shekarashylar eńbegi marapatqa laıyq.

Onyń sózine qaraǵanda, indet bastalǵannan beri memlekettik shekara men blokposttarda ahýal ońaı bolǵan joq. Qazir de qaýip seıildi deý qıyn. Sondyqtan alda turǵan mindetter az emes. «Halyq alǵysy» medali – eldiń alǵysy degen sóz.

«Halyq alǵysy» medali 25 polıtseıge, polıtsııa departamentiniń emhanasy bar gospıtaliniń 2 qyzmetkerine jáne 4 shekarashyǵa tapsyryldy.