BQO-da polıtseıge para bermek bolǵan Shymkent turǵyny ustaldy
ORAL. QazAqparat – Batys Qazaqstan oblysynda polıtseıge para bermek bolǵan shymkenttik turǵyn ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa Aqjaıyq aýdany Chapaev aýyly tusynda, Atyraý-Oral jolynyń 152-shaqyrymynda oryn aldy.
Jyldamdyqty shekten tys arttyrǵany úshin Atyraýdan Shymkentke bet alǵan «Kıa Rıo» avtokóligi toqtatyldy.
Shymkent qalasynda turatyn 35 jastaǵy júrgizýshi QR Ákimshilik quqyqbuzýshylyq kodeksi 592-baby 1-bóligine (belgilengen júrý jyldamdyǵyn arttyrý) sáıkes ákimshilik jaýapkershilikke tartpaý úshin «Shkoda Oktavııa» avtokóliginiń salonynda patrýldik polıtsııa batalonynyń ınspektory, polıtsııa aǵa leıtenanty 1996 jylǵy T-ǵa 2 myń teńge kóleminde para usynǵan.
Qazirgi kezde QR QK 367-baby 1-bóligine (para berý) sáıkes sotqa deıingi tergeý amaldary júrgizilýde.
Bul bap boıynsha aıypty dep tanylǵan adam múlki tárkilenip nemese onsyz, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyryla otyryp, paranyń on eselengennen jıyrma eselengenge deıingi somasy mólsherinde aıyppul salýǵa ne úsh jylǵa deıingi merzimge bas bostandyǵynan aıyrýǵa jazalanady.
Eske sala keteıik, budan buryn BQO-da polıtseılerdiń qatysýymen para alý men berý derekteri azaımaı otyrǵanyn jazǵan edik.
