BQO-da polıtseıdiń qatysy bar jol apaty: 6 aılyq qyz balanyń jaǵdaıy óte aýyr
QazAqparat budan buryn jazǵanyndaı, jol apaty saldarynan bir adam qaza taýyp, eki adam aýrýhanaǵa jetkizilgen bolatyn.
BQO densaýlyq saqtaý basqarmasynyń baspasóz qyzmeti málim etkenindeı, oqıǵa ornynda 51 jastaǵy áıel jedel járdem kelgenge deıin kóz jumdy.
Sonymen qatar qoly synyp, etteri kógergen 23 jastaǵy áıel oblystyq kópbeıindi aýrýhananyń travmatologııa bólimine jatqyzyldy.
«23 jastaǵy áıel men 6 aılyq qyz balany oqıǵa ornynan basqa kólikpen Báıterek aýdandyq aýrýhanasyna jetkizgen. Qyz balaǵa shuǵyl kómek kórsetý úshin sanavıatsııamen ortoped-travmatolog pen reanımatolog dáriger barǵan. Ota jasap, qyzdyń bir aıaǵyn kesip tastaýǵa týra keldi. Ekinshi aıaǵy da birneshe jerinen synǵan. Jaǵdaıy kishkene qalpyna kelgennen keıin oblystyq kópbeıindi balalar aýrýhanasyna jetkizildi. Qazir jansaqtaý bóliminde, kóp qan joǵaltqandyqtan, jaǵdaıy óte aýyr», dep habarlady vedomstvodan.
Eske sala keteıik, budan buryn BQO-da polıtsııa qyzmetkeriniń qatysýymen bolǵan jol apatynan bir adamnyń qaza tapqanyn jazǵan bolatynbyz. Polıtsııa departamentiniń baspasóz qyzmeti rastaǵanyndaı, polıtsııa qyzmetkeri jol-kólik oqıǵasyn jasaǵan kezde mas kúıinde bolǵan.
