BQO-da perzenthanadan shyqqan sábı kóz jumdy
ORAL. QazAqparat - Batys Qazaqstan oblysynda perzenthanadan shyqqan sábı kóz jumdy, dep habarlaıdy «QazAqparat» tilshisi.
BQO densaýlyq saqtaý basqarmasynan túsken málimetke qaraǵanda, Oral qalasyndaǵy pedkolledjde oqıtyn A. esimdi 1998 jylǵy stýdent (negizgi turǵylyqty jeri - Bókeı ordasy aýdany Muratsaı aýyly) oblystyq perınataldyq ortalyqqa 6 maýsym kúni 2 saǵat 20 mınýtta jedel járdemmen túsken. 8 maýsym kúni bosaný bólimine aýystyrylyp, sol kúni 17 saǵat 45 mınýtta salmaǵy 3 kg, boıy 50 sm qyz bala dúnıege kelgen. Dárigerlerdiń baqylaýynda bolyp, keńes alǵan A. 10 maýsym kúni saǵat 16.00-de sábıimen birge qanaǵattanarlyq jaǵdaıda týystarynyń qatysýymen úıine shyǵarylǵan.
Oqıǵadan habardar adamdardyń aıtýynsha, jas ata-ana (ekeýi de stýdent) bir kúnnen keıin sábıimen birge avtokólikpen Bókeı ordasy aýdanyndaǵy Muratsaı aýylyna jetý úshin alys jolǵa shyqqan. Alaıda jolshybaı jańbyrǵa tap bolyp, kólikteri batyp, jol uzara túsken. Qaztalovtan keıin Jánibek aýdany aýmaǵynda sábı úzilip ketken. Aldyn ala málimetke qaraǵanda, saraptama qorytyndysyna sáıkes náreste qusyǵyna tunshyǵyp qalǵan.
Qazirgi kezde oqıǵanyń jaı-japsary anyqtalý ústinde.
Aıta keteıik, Bókeı ordasy aýdany oblys ortalyǵynan bes júzden astam shaqyrym qashyqtyqta jatyr. Qaztalov aýdanyndaǵy Jalpaqtal aýylynan shyqqannan keıin qatqyl tabandy jol joq. Jaýyn-shashyndy, laısań kúnderi mıtyńdap onshaqty saǵatqa deıin jol júrýge týra keledi.
