BQO-da para alǵan polıtsııa qyzmetkerine 7,5 mln teńge aıyppul salyndy
BQO sotynyń baspasóz qyzmeti málim etkenindeı, A.Abýlhaırov QR QK 24-baby 3-bóligi - 190-baby 3-bóligi 2-tarmaqshasyna sáıkes aıypty dep tanylyp, oǵan paranyń 15 ese eselengen kóleminde 7,5 mln teńge aıyppul salyndy.
Sonymen qatar ol memlekettik qyzmette jáne basqa organdarda laýazymdy qyzmet atqarý quqyǵynan ómir boıyna aıyryldy. Polıtsııa maıory shenimen de qosh aıtysty.
Sot talqysynda málim bolǵanyndaı, bıylǵy 5 aqpanda Chapaev-Jalpaqtal avtojolynda N.ıAvorskıı aıdap kele jatqan «GAZ-2752» avtokóligi toqtatylǵan. Júrgizýshiden araq ısi shyǵyp turǵan ári teksere kelgende, ol kólik júrgizý quqyǵynan aıyrylǵan bolyp shyqty.
N.ıAvorskııge qatysty QR QK 346-baby 1-bóligine sáıkes qylmystyq is qozǵalyp, tergeý amaldary bastalǵan. Ol medıtsınalyq kýálandyrýdan bas tartqannan keıin avtokólik arnaıy turaqqa qoıylyp, ózi Aqjaıyq polıtsııa bólimine jetkizilgen.
Aýdandyq polıtsııa bólimi bastyǵynyń orynbasary A.Abýlhaırov qyzmet babyn paıdalana otyryp, paıda tabý maqsatymen N.ıAvorskııge atalǵan qylmystyq is boıynsha belgili bir kólemde syıaqy bergen jaǵdaıda oń sheshim shyǵarýǵa múmkindik bar ekendigin jetkizgen. Sosyn isti qarap jatqan tergeýshi M.Orynǵalıulyna júrgizýshiniń qanynda alkogol bar ekendigin anyqtaý úshin qan úlgisin alý jóninde aýyzsha nusqaý bergen.
7 aqpanda A.Abýlhaırov anyqtaýshy M.Hamzınge qylmystyq is materıaldaryn qabyldap, qan úlgisine qatysty sot hımııalyq-toksıkologııalyq jáne narkologııalyq saraptama taǵaıyndaýdy tapsyrǵan. Keshkisin Abýlhaırovtyń talap etýimen ıAvorskıı onyń kabınetine kelgen. Polıtsııa qyzmetkeri qylmystyq isti toqtatyp, avtokólikti arnaıy turaqtan alý úshin 500 myń teńge kóleminde para talap etken. Basqa múmkindigi joqtyǵyn sezingen ıAvorskıı bul zańsyz talapqa kelisken.
Abýlhaırov 10 aqpan kúni sot hımııalyq-toksıkologııalyq saraptamaǵa sáıkes ıAvorskııdiń qanynda spırt bolmaǵandyqtan, qylmystyq is qysqartylýǵa jatatynyn bile otyryp, bajasy A.Imanǵazıevke aıyptalýshymen kezdesip, 500 myń teńgeni alýdy ótingen. Alaıda A.Imanǵazıev kezdesken kezde N.ıAvorskıı talap etilgen qarjyny jınaı almaǵanyn aıtqan. Budan keıin de A.Abýlhaırov aqsha talap etýin qoımaǵan. 12 aqpan kúni A.Imanǵazıev A.Abýlhaırovqa berý úshin N.ıAvorskııden 500 myń teńgeni alyp, BQO boıynsha sybaılas jemqorlyqqa qarsy qyzmet qyzmetkerleriniń qolyna túsken.
Osylaısha, A.Abýlhaırov qylmystyq oı-áreketin ózine qatysty emes jaǵdaılar boıynsha aıaǵyna deıin jetkize almaǵan.
Basty sot talqysynda A.Abýlhaırov kinásin moıyndap, bastapqyda aqsha alý oıynda bolmaǵanyn, tek saraptama qorytyndysy shyqqannan keıin ıAvorskııdi aldaýǵa bekingenin jetkizdi.
Sot úkimi zańdy kúshine engen joq.
Eske sala keteıik, budan buryn Oraldaǵy kóshi-qon polıtsııasynyń bastyǵy para aldy degen kúdikke ilingenin jazǵan bolatynbyz.