BQO-da para aldy degen kúdikpen aýdandyq bilim bóliminiń basshysy ustaldy

ORAL. QazAqparat – BQO-da para aldy degen kúdikpen Shyńǵyrlaý aýdandyq bilim bóliminiń basshysy ustaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginen túsken málimetke qaraǵanda, sheneýnik oryndalǵan jumys aktisine tekserýsiz jáne eshqandaı kedergisiz qol qoıǵany úshin kásipkerden 1,9 mln teńge para aldy degen kúdikke ilikken.

Kúrdeli jóndeý jumystary Shyńǵyrlaý aýdany mektepterinde júrgizilgen.

Kúdikti 30 qazan kúni QR Qylmystyq is júrgizý kodeksi 128-babyna sáıkes ustalyp, Oral qalasy polıtsııa basqarmasy ýaqytsha oqshaýlaý ızolıatoryna qamaldy.

Agenttiktiń BQO boıynsha departamenti atalǵan kúdiktige qatysty QR QK 366-baby 2-bóligine (para alý) sáıkes sotqa deıingi tergeý amaldary bastalǵanyn jetkizdi.