BQO-da pandemııa bastalǵannan beri indet juqtyrǵandar sany 40 myńnan asty
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngide málim etkenindeı, kúni búginge deıin sonyń 38 731-i nemese 96,8 paıyzy jazylyp shyqty.
Olardyń 15 193-i ınfektsııalyq statsıonarlarda, 23 538-i ambýlatorlyq em aldy.
Іndet bastalǵannan beri barlyǵy 847 adam kóz jumdy.
G.Ábdirahmanovanyń aıtýynsha, qazirgi kezde 286 naýqas ambýlatorlyq em alýda. Olardyń 76 paıyzynda aýrý jeńil ótýde. 4 paıyzynda ortasha, 20-sy – sımptomy joqtar.
Oblysta 504 tósektik 9 ınfektsııalyq statsıonarda 64 adam emdelýde. Sonyń 10-y jansaqtaý bólimshelerinde.
«Óńirde osy kezge deıin 254 072 adam (barlyq egilýge tıisti turǵyndardyń 61,3 paıyzy) vaktsınanyń І, 240 604-i ІІ komponentimen egildi. Pfizer kompanııasynyń «Komırnatı» vaktsınasyn 4714 adam qabyldasa, sonyń 145-i – júkti, 1892-si – bala emizetin áıelder, 2677-si – jasóspirimder. Sondaı-aq 11 808 turǵyn revaktsınatsııadan ótti. 22 jeltoqsan kúni oblysqa 17 550 doza , onyń ishinde 2 677-si jasóspirim, 145-i júkti jáne 1 892-si bala emizetin áıelder. 22 jeltoqsanda oblysqa 17 550 doza «Komırnatı» vaktsınasy jetkizildi», dedi G.Ábdirahmanova.
Basqarma basshysynyń orynbasary álemde «Omıkron» shtamynyń taralýyna baılanysty ýaqtyly vaktsına alýdyń mańyzdylyǵyn atap ótti.
Eske sala keteıik, budan buryn «Omıkron» shtamyna baılanysty BQO-da shetelden kelgen 100-den astam qazaqstandyqtyń baqylaýǵa alynǵanyn jazǵan bolatynbyz.