BQO-da patsıent aýrýhanaǵa ot qoıyp, ekinshi qabattan sekirip ketken
ORAL. QazAqparat – Batys Qazaqstan oblysynda emdelýshi aýrýhanaǵa ot qoıyp, ózi ekinshi qabattan sekirip ketken, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 17 aqpan kúni tańerteń Tasqala aýdany ortalyǵy Tasqala aýylynda bolǵan.
Saǵat 05.41-de aýdandyq ortalyq aýrýhana terapııa bólimshesiniń №8 palatasy janyp jatqany jóninde habar túsken.
Órt aýmaǵy 15 sharshy metrdi qamtydy. Oqıǵa ornynan 20 naýqas (onyń tórteýi – bala) pen 8 jumysshy-qyzmetker evakýatsııalandy. 2 adam qutqarylsa, onyń bireýi – bala. Olardyń barlyǵy birinshi qabatqa ornalastyryldy.
Tilsiz jaý órt sóndirýshilerdiń kúshimen (11 adam, 3 tehnıka) 06.05-te oqshaýlanyp, 06.16-da aýyzdyqtaldy.
Órttiń shyǵý sebebi anyqtaldy. Emdelýshi matrasqa ot qoıyp, ózi ekinshi qabattyń terezesinen sekirip, boı tasalaǵan.
Polıtsııa qyzmetkerleri kúdiktini ustap, qazirgi kezde tergeý amaldary júrgizilýde.
