BQO-da óziniń áıelin pyshaqtap tastaǵan kúdikti izdestirilip jatyr
BQO polıtsııa departamentiniń baspasóz qyzmetinen málim etkenindeı, oqıǵa Báıterek aýdany ortalyǵy Peremetnyı aýylynda boldy.
«8 sáýir kúni saǵat 01.40-ta 1990 jylǵy er adam kafelerdiń biriniń mańynda óziniń 28 jastaǵy áıeline kóptegen pyshaq jaraqatyn salǵan. Sodan keıin oqıǵa ornynan boı tasalaǵan. Zardap shekken áıel Báıterek aýdandyq ortalyq aýrýhanasyna jatqyzyldy. Qazirgi kezde kúdiktiniń júrgen jerin anyqtaý maqsatynda jedel izdestirý jumystary júrgizilýde. Buǵan polıtsııanyń barlyq kúshi jumyldyryldy. Atalǵan derek boıynsha QR QK 24-baby 3-bóligi – 99-baby 1-bóligine (kisi óltirýge oqtalý) sáıkes sotqa deıingi tergeý amaldary bastaldy», dep habarlady vedomstvodan.
Eske sala keteıik, budan buryn Oralda qalalyq sot pen gazet redaktsııasyna bomba qoıylǵany týraly habar túskenin jazǵan bolatynbyz.
