BQO-da ózende júzip júrgen eki jasóspirimniń biri sýǵa ketti
BQO TJ departamentiniń baspasóz qyzmetinen túsken málimetke qaraǵanda, oqıǵa 20 shilde kúni keshke qaraı Terekti aýdany Jańaómir aýylynda boldy.
«Shaǵan orta mektebinde oqıtyn eki jasóspirim aýyldan jarty shaqyrym jerdegi Barbastaý ózenine sýǵa shomylýǵa kelgen. Ekeýi de júze bilgen. Saǵat 17.35-te olardyń bireýi ózenniń ortasyna (uzyndyǵy 50 metr, tereńdigi 5-6 metr) qaraı júzip barǵan. Sol kezde aıaǵy qurysyp, sýǵa bata bastaǵan. Ekinshisi qutqarǵysy kelgenmen, qolynan kelmedi. Osylaısha, jabdyqtalmaǵan jerden sýǵa túsken 2007 jylǵy jasóspirim sýǵa batyp ketti. Іzdestirý jumystary nátıjesinde marqumnyń denesi saǵat 19.00-de tabylyp, sýdan shyǵaryldy», dep habarlady vedomstvodan.
Jyl basynan beri oblysta 9 adam sýǵa ketse, sonyń tórteýi - balalar. Ótken jyly osy merzimde 20 adam (8-i - balalar) «tilsiz jaýdyń» qurbany bolǵan edi.
TJ departamenti sýǵa túsý kezinde qaýipsizdik erejelerin qatań saqtaý kerektigin eske salady.