BQO-da óz áıelin óltirgen 73 jastaǵy zeınetker 10 jylǵa sottaldy

ORAL. KAZINFORM – BQO qylmystyq ister jónindegi mamandandyrylǵan aýdanaralyq sotta 73 jastaǵy zeınetkerge qatysty úkim shyqty.

Atalmysh sottan túsken málimetke qaraǵanda, zeınetker QR QK 99-baby 1-bóligine sáıkes aıypty dep tanyldy. 

Oral qalasynda er adam ózimen 48 jyl birge turǵan zaıybyn óltirgen. 

«Zeınetker ózderiniń turyp jatqan páterinde áıelin soqqyǵa jyǵyp, aıaqkıimniń baýymen qylǵyndyryp, sosyn qolymen moınynan býyndyryp óltirgen. Sot otyrysynda sottalýshy jasaǵan is-áreketine ókinetindigin, qylmysyn moıyndaıtynyn kórsetti», - dep habarlady vedomstvodan. 

Sot úkimi kúshine engen joq. 

Eske sala keteıik, budan buryn Batys Qazaqstanda júkti áıeldiń bosaný kezinde kóz jumǵanyn jazǵan bolatynbyz.