BQO-da ótken jyly aýyldarǵa gaz jetkizýge 1,9 mlrd teńge jumsaldy

ORAL. QazAqparat - Batys Qazaqstan oblysynda 2016 jyly 1,9 mlrd teńgege aýyldardy gazdandyrý jumystary atqaryldy, dep habarlaıdy «QazAqparat» HAA tilshisi.

BQO ákimdiginen túsken málimetke qaraǵanda, ótken jyly Syrym, Qaratóbe, Shyńǵyrlaý aýdandarynda 15 aýyldyq eldi mekenge gaz qubyry tartyldy. Sonyń ishinde Syrym aýdanynda 1,5 myń turǵyny bar 6 aýylǵa «kógildir otyn» jetkizildi.

Jyl aıaǵynda oblys turǵyndarynyń tabıǵı gazben qamtylýy 93,6 paıyzǵa (595 myń adam) jetti.

Oǵan qosa Oral jylý-qýat ortalyǵyna rezervtik gaz qubyryn tartý jumystary júrgizilýde, buǵan respýblıkalyq bıýdjetten 2 mlrd. teńge qaralsa, sonyń jartysy ótken jyly bólindi.

Aýyldyq eldi mekenderdi gazdandyrý jumystary bıyl da jalǵasady. Sonyń ishinde oblys ákimi Altaı Kólginovtiń jergilikti turǵyndarmen kezdesýinde aıtylǵan usynysqa sáıkes shalǵaıdaǵy Bókeı ordasy aýyldaryn gazdandyrý kózdelýde.