BQO-da órtti sóndirýge aqtóbelikter men mınıstrlik tikushaǵy kómektesip jatyr

BQO TJ departamentiniń baspasóz qyzmetinen málim etkenindeı, óńirde jaǵdaı áli de kúrdeli kúıinde qalyp otyr.
Oblys boıynsha barlyǵy 900 adam, 180 tehnıka «tilsiz jaýdy» aýyzdyqtaýǵa jumyldyrylǵan.

Aqtóbe oblystyq TJ departamentinen 31 adam 5 tehnıkamen 11 shilde kúni saǵat 00.15-te Syrym aýdany Toǵanas aýylyna kelip, birden kirisip ketti. Munda qurǵaq shóptiń janýy shamamen 7 myń gektardy qamtydy. Barlyǵy 242 adam 53 tehnıkamen jumys jasaýda.
«Qazavıaqutqarý» AQ-nyń MI-875 tikushaǵy Batys Qazaqstan oblysyna búgin saǵat 11.42-de kelip, Aqjaıyq jáne Tasqala aýdandary shekarasyndaǵy órtti sóndirý úshin ushyp ketti. Munda jalyn 11 700 gektarǵa jetti. 216 adam (35 tehnıka) órtpen kúresýde.

Sol sekildi Bórli aýdany Aqbulaq aýyldyq okrýgi «Myrzaǵalıeva» sharýa qojalyǵynda 200 sharshy metr alańda janyp jatqan qurǵaq shópti 4 adam 1 tehnıkamen sóndirýde.
«Oblys boıynsha órt sóndirýshiler 62 ret shyǵyp, 39 órttiń 36-sy aýyzdyqtaldy. Degenmen jaǵdaı kúrdelene túsýde. Janý men órttiń barlyq derekteri TJ departamentiniń erekshe baqylaýnda», dep habarlady vedomstvodan.
Eske sala keteıik, budan buryn BQO-da dala órti eldi mekenge jaqyndap, 44 adam aýyldan kóshirilgenin jazǵan edik.
Sondaı-aq Batys Qazaqstanda 38 dala órtiniń 35-i sóndirildi.



Posmotret etý pýblıkatsııý v Instagram
Posmotret etý pýblıkatsııý v Instagram