BQO-da órtten eki júzge jýyq qoı-eshki tirideı janyp ketti
ORAL. QazAqparat - Keshe Qaztalov aýdany Taldyapan aýylynan 17 shaqyrymdaı qashyqtyqta bolǵan dala órtinen 100 eshki, 90-nan astam qoı tirideı janyp ketti, dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, saǵat 21.00-de sóndirilgen órtti aýyzdyqtaýǵa 38 adam, 8 tehnıka jumyldyrylǵan.
Taldyapan aýyldyq okrýginiń ákimi Asqar Esqalıevtiń sózine qaraǵanda, qoı baǵyp júrgen 1990 jylǵy azamattyń denesin 70 paıyz kúıik shalǵan. Qazir ol Jalpaqtal aýrýhanasynda jatyr.
Eske sala keteıik, keshe sondaı-aq Aqjaıyq aýdany Bazarsholan jáne Bazartóbe aýyldyq okrýgterinde órt tirkelip, shabyndyq jáne jaıylymdyq jerler otqa oranǵan bolatyn.
