BQO-da órtti sóndirýge avıatsııa tartylyp, 68 tonna sý tógildi
ASTANA. KAZINFORM — Batys Qazaqstan oblysynda Qazaqstan Respýblıkasy Ekologııa jáne tabıǵı resýrstar mınıstrligine qarasty Oral orman sharýashylyǵy aýmaǵynda oryn alǵan tabıǵı órtti sóndirý jumystary jalǵasyp jatyr. Bul týraly TJM málimdedi.
Órtti sóndirýge TJM kúshteri men quraldary, Ekologııa jáne tabıǵı resýrstar mınıstrligine qarasty orman sharýashylyǵy qyzmetteri, jergilikti atqarýshy organdar, sondaı-aq TJM 20982 áskerı bóliminiń 2-shi qutqarý batalony jumyldyryldy.
— Áýeden órt sóndirý jumystaryna TJM «Qazavıaqutqarý» AQ jáne QR Ekologııa jáne tabıǵı resýrstar mınıstrliginiń «Qazavıaormanqorǵaý» RMK tikushaqtary tartyldy. Órtti sóndirý jumystary ekpindi jeldiń áserinen qıynǵa soqqan. Soǵan qaramastan, bólimsheler órtti tolyq sóndirý boıynsha qajetti jumystardy jalǵastyryp jatyr, — delingen habarlamada.
Vedomstvonyń málimetinshe, órtti sóndirýge shamamen 80 adam, 10 birlik jerústi tehnıkasy jáne 2 tikushaq jumyldyrylǵan. Avıatsııa kómegimen jalpy kólemi 68 tonnany quraıtyn 46 ret sý tógý jumystary oryndaldy.
Órtti sóndirý jumystary jalǵasady. Jaǵdaı QR TJM baqylaýynda.
Eske sala keteıik, Oral qalasynda Han toǵaıy otqa orandy.
